DAKONG kalipay sa magkaluha nga si Rosyl ug Josyl Padillos, 39 anyos ug molupyo sa barangay Camaman-an ning syudad human na ‘hired-on-the-spot’ sa gipahigayon nga women’s month job fair 2023 sa city hall ubos sa pamunoan ni Mayor Rolando 'Klarex' Uy pinaagi sa Job Placement Bureau – Public Employment Services Office uban sa hugot nga suporta sa 48 ka mga lokal nga kompanya ug upat ka mga overseas agencies, Marso 15 sa city hall quadrangle sugod alas 8:00 sa buntag hangtod alas 4:00 sa hapon.

Mapasalamaton ang kaluha nga lakip sila sa gatusan ka mga job-seekers ang na ‘hired-on-the-spot’ sa managlahing kompanya sa Oro Gadgets Inc. ug Topserve Solution Services Inc.

Tumong sa maong job-fair nga mahatagan og employment opportunities ilabina sa mga kababayen-an alayon sa pagtamod sa women’s month karong bulan sa Marso.

Mapasalamaton usab ang kagamhanang lokal sa mga naglangkob sa partner agencies/companies nga personal usab nga nagpahigayon og interview sa mga interesadong aplikante sa dakbayan.

Nasayran lakip sa mga partner local establishments nga misalmot ang Ace Hardware Phils. Inc., Ace Promotion and Marketing Corp., Alrose Group of Companies (North Fastfood), Amenco Inc., Alternative Network Resources, Argusland Inc., Asiapro Multipurpose coop., Bamboo Ecologic Export Phils. Inc, Bigby’s Quality Food Corporation, Blackline Republic OPC (Converge), Chali Resort and Conference Center, Cytech Development and Operations Inc., Eco Workers Unlimited Inc., Ford (Autohub Group), Gaisano city mall, Gama Foods Corp., Godspeed Megamerchants Co . Inc., Golden Kidney Specialist Dialysis Corp., Granite Industrial Corp., Happy Manpower Services Inc., Joesons Commercial Co. Inc (CELESCO), Kaamulan Multipurpose Cooperative, Knysna Farms Inc., LCG Group of Companies, Lemon Na Bai Inc., Limketkai Food Group (Jollibee), Metro Coolaire Engineering Services, Monster Kitchen Inc., MUTI (Marbel Universal Trading Inc.), Oirasor Manpower Resources Corp., Onepuhunan (Credit Acces Phils. Financing Company Inc), Oro Gadgets Inc., Ororama, PRM Data Quest Corp., Rebisco (Republic Biscuit Corp), Savemore market, Secured Manpower Services, Sheridan Distributor Cag. Co. Inc., SM store, SM supermarket, Staffwise Solutions Inc., Syntactics Inc., Topserve Solution Services, Inc., Toyota Cagayan de Oro Inc., Triple E Manpower and General Services, Inc. , Virginia Food Inc., VXI Global Holdings ug YSU marketing corp.

Misalmot usab ang international agencies sa Ed-Fro-Bon manpower services, ERRX recruitment consulting, Jamal human resource internationale ug Pisces International Placement Corp. (AGP/Photos by Jay Arancon & Kim Zaldivar/CIO)