Wednesday, 29 March 2023 23:54

FIRE STATION 3 CARMEN NAHIMONG ‘MOST OUTSTANDING FIRE STATION’

Written by
GIPASIDUNGGAN ang Fire Station 3 Carmen isip ‘Most Outstanding Fire Station’ ning siyudad atol sa ‘Dilaab: Araw ng Parangal’, Marso 28, diha sa Limketkai Mall.
Nahimong 1st runner up ang Fire Station 6 Kauswagan, ug 2nd runner up ang Fire Station 9 Lumbia.
 
Midawat usab sa City Mayor's medal ang mga station commanders nga sila si SFO4 Emmanuel C. Paculba sa Fire Station 3 Carmen, FInsp. Samson T. Velarde sa Fire Station 6 Kauswagan, ug SFO3 Julieta Gala Wapanio sa Fire Station 9 Lumbia.
 
Gawas niini, midawat usab og special awards ang Fire Station 3 Carmen (Best Linkages and Partnership), Fire Station 2 Lapasan (Best Internal Operations), Fire Station 5 Macabalan (Best Fire Prevention Initiatives); Fire Station 6 Kauswagan (Best Suppression Strategies); Fire Station 9 Lumbia (Best Enforcement Mechanism) ug Best Record Keeping and Documentation (Fire Station 1 Cogon).
 
Samtang sa JCI Outstanding Leadership Award, napiling Most Innovative Program ang Fire Station 4 Nazareth, Best Practice Award ang Fire Station 6 Kauswagan, Inclusive Award ang Fire Station 9 Lumbia ug Involvement Award ang Fire Station 6 Kauswagan ug Fire Station 5 Macabalan.
 
Ginganlan usab ang mga JCI Outstanding Leadership Awardees nga sila si FO2 Yirmeah O. Dolotina sa Fire Station 6 Kauswagan; FO2 Katrina Nicole R. Alaba sa Fire Station 9 Lumbia ug FO3 Joerey Cris T. Macalinao sa Fire Station 3 Carmen.
 
Mismo si Oro Youth Development Officer LordSaver 'Vhaugne' Centina; Fire District Marshal FSupt Roel Bacasnot, MBA; Bureau of Fire Protection Region 10 Regional Chief Directorial Staff SSupt Alan A. Cabot; JCI President Anna Katrina Tiukinhoy-Piol ug Committee on Peace and Order Co-Chairperson City Councilor Jay Roa-Pascual ang mitunol sa mga awards.
Kini na ang ikaduhang higayon nga midaug ang Fire Station 3 Carmen isip ‘Most Outstanding Fire Station’.
 
Ang ‘Search for Most Outstanding Fire Station’ inisyatiba sa LGU-CDO pinaagi sa Oro Youth Development Office, inabagan sa JCI-Kagayhaan Gold, Bureau of Fire Protection, Fire District Office ug uban pang partner agencies, ug kabahin sa kasaulogan sa Fire Prevention month ning bulan sa Marso. (NLB/CIO/photos by Kim Zaldivar)