Padayon nga giatiman ni Mayor Rolando `Klarex’ Uy ang mga pamilya nga apektado sa proyekto sa Department of Public Works and Highways (DPWH-10), partikular na sa Kolambog, Barangay Lapasan.

 

Alayon niini, nagpahigayon og public hearing ang syudad pinaagi sa Hapsay Sapa Team, City Housing and Urban Development Department (CHDD), ug mga kadagkuan sa DPWH uban sa mga apektadong pamilya aron madungog ug mapangitaan og kasulbaran ang ilang mga isyu ug kabalaka ilabina na sa ilang kahimtang.

 

Samtang, gipahinumduman ni Patrick Gabutina sa Hapsay Sapa Team ang mga pamilya nga dili sila pasagdan ni Mayor Klarex partikular na sa hisgutanan sa relokasyon.

Ang paghatag og desenting pinuy-anan ilabina sa mga kabus ang usa sa mga prayoridad ni Mayor Klarex ilawom sa RISE CDO Agenda.

 

Gani, kanunay niyang gihangyo ang mga personahi sa CHUDD pinaagi ni Acting Dep’t Manager Atty. Sam Rollo nga atimanon ang mga tawo nga moanha sa ilang buhatan ilabina kadtong dugay na nga aplikante sa housing program. (ALR/CIO/Photos by Jay Arancon)