Sugdan na sa Task Group Demolition ang pagguba sa mga gambalay nga milapas sa sidewalk human sa rekomendasyon sa Immovable Action Team nga gipangulohan sa Office of the Building Official (OBO) uban sa City Engineering Office (CEO) atol regular meeting sa grupo adlaw’ng Biyernes, Abril 14, 2023.

 

Sa ilang report, gipadayag sa Immovable Action Team nga gihatagan na og first and final notice ang mga tag-iya sa gambalay aron aksyonan nila kini.

 

Ubay-ubay pa nga rekomendasyon ang gipasa sa Immovable Action Team ngadto sa grupo kalabot sa mga gambalay nga nakalapas sa sidewalk nga hatagan og aksyon sa mosunod nga mga adlaw.

Samtang, gibutyag ni TG Demolition chair Atty. Jose Edgardo Uy nga magtakda og tukmang adlaw alang sa pagguba mga structures nga nakalapas sa sidewalk. (ALR/CIO/Photos by Reynan Baylin/CIO)