Hayan masugdan na sa dili madugay ang pagdawat og aplikasyon alang sa Medical Scholarship Program ug Law Scholarship Program nga gihingusgan ni Mayor Rolando ‘Klarex’ Uy.

 

Kini human nakigtagbo sa miaging adlaw si Mayor Klarex tali ni City Scholarships Office Head Richel Petalcurin-Dahay ug Committee on Education Chairperson City Councilor Suzette Magtajas-Daba aron hisgotan ang pagpangandam alang sa maong katuyoan.

 

Tinguha ni Mayor Klarex nga matubag ang panginahanglanon sa mga medical professionals sa syudad, ilabina ang kakulangon sa mga pampublikong ospital, samtang naninguha usab ang mayor nga makatabang sa mga kabus nga kliyente nga nanginahanglan og serbisyong legal. (CIO/photos by Roel Felicitas)