Nanawagan karon ang Psychosocial Division sa City Social Welfare and Development Office nga pahimuslan ang ilang Mental Helpline kung adunay gibati nga kabalaka o’ kaha simtomas sa depresyon, ug uban pang mental health concerns.

Alang niadtong interesadong magpahimulos sa Mental Helpline, palihug magpadala lang og TEXT MESSAGE sa numero: 0970-039-2709 (Smart), gikan Lunes hangtud Biyernes, alas-8:00 sa buntag hangtud ala-5:00 sa hapon.

 

Sumala pa ni City Psychologist Jaymee Leonen-Pagaspas, adunay Psychosocial Unit staff nga motubag sa kliyente ug "strictly confidential" ang tanang impormasyon ug detalye nga mahisgutan.

 

Ang panawagan gihimo sa CSWD Psychosocial Division human ubay-ubay ka mga kaso sa depresyon nga misangpot sa paghikog ang natala ning bag-o dinhi sa dakbayan sa Cagayan de Oro.

 

Ang CSWD Psychosocial Division nagtanyag usab og libreng Psychological First Aid sa tuyo nga mahatagan og alibyo ang gibati nga trauma sa usa ka tawo bunga sa naagian nga mapait nga kasinatian o’ problema. (NLB-CIO)

#AyawOgBuhi #AkongKaugalingonAkongPamilyaAkongKomunidadAkongResponsibilidad