Tuesday, 25 April 2023 05:15

MAYOR KLAREX MIPIRMA’G MOU TALI SA DHSUD ALANG SA PAGPATUMAN SA USA KA HOUSING PROJECT

Written by
Usa ka Memorandum of Understanding kon MOU ang gipirmahan Abril 24 tali ni Mayor Rolando "Klarex" Uy ug Department of Human Settlements and Urban Development (DHSUD) Secretary Jose Rizalino Acuzar, uban ang tulo ka mga mayores sa Mindanao, alang sa katumanan sa Pambansang Pabahay para sa Pilipino Housing (4PH) Program ni President Bongbong Marcos Jr.
 
Dili momenos sa 48,000 ka mga kabus nga pamilya nga walay pinuy-anan ang gilantaw nga makabenepisyo sa Pambansang Pabahay para sa Pilipino Housing (4PH) Program nga ipatuman sa Cagayan de Oro City, Gingoog City, munisipyo sa Opol, Misamis Oriental ug Tubod, Lanao del Norte.
 
Gawas kang Mayor Klarex, ang tulo ka local government executives nga mipirma sa MOU mao sila si Mayor Erick Cañosa sa Gingoog City, Municipal Mayor Jayfrancis Bago sa Opol, Misamis Oriental, ug Dionisio Cabahug sa Tubod, Lanao del Norte, kinsa girepresentahan ni Vice Mayor Clifford Jumalon.
 
Misaksi usab sa pagpirmahay didto sa kaulohan si Assistant Secretary Daryll Villanueva, Undersecretary Sammy Young ug Regional Director Ariel Abragan sa DHSUD 10. (CIO)