Nanghingusog si Majority Floor Leader Atty. Edgar Cabanlas nga mapadali ug paspas ang paghatag sa mga insentibo alang sa mga negosyante subay sa nakalatid sa mga balaod ug ordinansa sa dakbayan.

 

Kini ang gisugyot ni Cabanlas human nagtagbo kagahahapong adlawa ang mga sakop sa Local Investment and Incentives Board sa Cagayan de Oro nga gidumala ni City Legal Officer Atty. Kenneth Tamala, ang vice chair ug representante ni Mayor Klarex Uy kinsa maoy chairman sa board.

 

Nasayran nga gimugna ni Mayor Klarex ang Local Investment and Incentives Board aron mapakusgan ang kalambuan ug pagpalig-on sa ekonomiya sa syudad pinaagi sa pagdani sa mga local ug foreign investors nga mamuhunan dinhi sa syudad.

 

Mitambong usab sa tigom sila si City Councilor George Goking, Raymundo Talimio Jr. sa Oro Chamber, John W. Asuncion sa Oro Trade and Investment Promotions Center ug uban pang mga ahensya sa gobyerno. (GB-CIO/photos by Kim Zaldivar)