MIBISITA sa buhatan ni Mayor Rolando “Klarex” Uy ang mga miyembro sa Norfolk Sister Cities Association – CDO aron pagpalig-on sa pagtinabangay ug pagpalambo sa sisterhood tali dakbayan sa Cagayan de Oro ug Norforlk, Virginia USA.

 

Sa maong pagbisita, dako ang pasalamat ni Coleen Sta. Ana ug Angelo Reyes kinsa mga sakop sa Norfolk Sister Cities Association –CDO sa mainitong pagdawat ni Mayor Klarex ug sa kagamhanang lokal ning syudad.

Lakip sa nahisgotan sa maong pagbisita ang pagpalambo sa panaghigalaay tali sa duha ka syudad ilabina ang cultural and economic exchange.

 

Samtang, mapasalamaton usab si Mayor Klarex sa Norfolk Cities Association – CDO sa kahigayonan ug nagpaslig kini nga mas palig-onon pa ang sisterhood niini.

 

Ang pagbisita sa Norfolk Sister Cities Association – CDO nagpakita sa kamahinungdanon sa pakiglambigit ug panaghigalaay sa nagkalain-laing dapit.

Kahinumdoman nga nahimong ikapito nga sister city sa Norfork Virginia ang Cagayan De Oro niadto pang tuig 2008.