Thursday, 04 May 2023 07:55

ROAD CLEARING SA TASK GROUP DEMOLITION, NAGPADAYON

Written by
Ubay-ubay na ka mga kadalanan ug sidewalks sa nagkadaiyang barangay ning syudad ang gihawanan sa Task Group Demolition pinaagi sa Movable Action Team tungod sa nagkadaiyang mga obstructions nga nakababag ug nakapahuot sa dalan.
 
Niadtong adlaw’ng Miyerkules, Mayo 3, 2023, mga push cart, lamisa, mga ligid nga gibutang sa sidewalk ug uban pa nga mga illegal structures ang gipangkarga sa Movable Action Team diha sa Barangay 31, ug Barangay 32 inabagan sa mga punong barangay.
 
Alayon niini, malaumon si TG Demolition chairman Atty. Jose Edgardo Uy nga magpabilin ug mamintinar ang kalimpiyo ug kahawan sa maong mga dalan sa higayon nga i-turnover na kini sa Team ngadto sa mga punong barangay. (ALR/CIO/Photos from TG Demolition/Movable Action Team)