Thursday, 04 May 2023 07:57

CITY NUTRITION COMMITTEE GIPAILAWOM SA VALIDATION SA NUTRITION HONOR AWARD

Written by
Mipailawom ang dakbayan pinaagi sa City Nutrition Committee sa usa ka validation alang sa Nutrition Honor Award kon pinakataas nga award sa nutrition, Mayo 3-5, ning tuig.
 
Atol sa validation, giabi-abi ni Mayor Klarex Uy ang National Nutrition Evaluation Team (NNET) nga gilangkoban ni National Nutrition Council (NNC) Assistant Secretary Dr. Azucena M. Dayanghirang ug NNC Nutrition Officer III Jasmine Anne Tandingan, Philippine Society of Nutritionist-Dieticians, Inc. Board Member Iris Rowena A. Bernardo ug Nutrition Foundation of the Philippines, Inc. Nutrition-Dietician I Fabiolla Allysa L. Bringas.
 
Gipresenta usab ni City Nutrition Action Officer Nenita F. Rabe ang nag-unang mga programa ug proyekto sa City Nutrition Committee.
 
Mibisita ang NNET sa barangay Mambuaya isip model barangay alang sa pag-obserba sa mga practices sa siyudad sa natad sa nutrisyon ug kini gisundan sa desk review sa City Nutrition Office ug feedbacking and learning discussion uban sa mga miyembro sa CNC.
 
Nasayran nga ang Cagayan de Oro ang nag-inusarang LGU nga mi-qualify sa maong award ug nanghinaut si Mayor Klarex Uy, kinsa maoy chairman sa CNC, nga masungkit sa siyudad ang maong award.
Kahinumduman nga gipasidunggan ang Cagayan de Oro isip ‘Consistent Regional Outstanding Winner in Nutrition (CROWN) Award’ atol sa 2022 National Nutrition Awarding Ceremony nga gipahigayon, Marso 20, didto sa Manila Hotel. (NLB/CIO/photos by Kim Zaldivar)