Monday, 29 May 2023 06:18

MGA SIDEWALK NGA GI-OKUPAR UG GIHIMONG PARKING AREA LIMPIYOHAN SA TG DEMOLITION

Written by
Gipahibalo ug gipahimangnoan sa syudad ubos sa administrasyon ni Mayor Rolando `Klarex’ Uy pinaagi sa Task Group Demolition nga i-reclaim niini ang mga sidewalks nga gigamit ug gihimong parking area.
 
Kini ang pamahayag ni TG Demolition chair Atty. Jose Edgardo Uy isip pasiunang pahibalo sa publiko ilabina niadtong migamit sa sidewalk sa susamang pamaagi.
Ang maong lakang maoy usa sa mga nag-unang gihisgutan atol sa special meeting sa TG Demolition.
 
Nasayran nga bisan pa man niini, pahibaloon sa Task Group ang mga hintungdan kalabot sa ilang nahimo nga kalapasan aron dili na subling mo-parking sa mga sidewalk aron malikayan ang posible nga multa. (ALR/CIO/Photos from TG Demolition)