Thursday, 09 April 2020 07:49

NMMC nag-atiman og dugang nga Patients Under Investigation o PUIs

Written by Jj Nagac

April 9, 2020 – Adunay duha (2) ka PUI ang kasamtangan karon nga gi-admit sa Northern Mindanao Medical Center (NMMC) base sa gibutyag ni NMMC Medical Director Dr. Jose Chan sa ika-24 na press conference nga gipatigayon sa lokal nga kagamhanan sa Cagayan de Oro alang sa COVID-19.

 

Ang mga nadugang nga PUI kay bana (56 anyos) ug anak (16 anyos) ni PH 598 nga una nang na-discharge ug kasamtangang ga-home quarantine.

 

Pinaagi sa swab test, nahimbaw-an nga pareho sila nga positibo sa COVID-19 adtong April 8.

 

Apan sa repeat test sa duha karong adlawa, nag-negatibo ang bana ni PH 598 sa COVID-19.

 

Silang duha padayon nga gi-admit sa NMMC. Stable na pod ang kondisyon sa ilahang anak.

 

Ang mga naduggang nga mga PUI sa NMMC pareho nga dili residente sa CdeO.

 

Sa pikas bahin, gibutyag usab ni Chan nga duna sad duha (2) nga dugang nga nag-negatibo sa COVID-19.

 

Sa kinatibuk-an, adunay walo (8) ka pasyente ang kamulong ginatambalan sa NMMC diin ang upat kay positibo sa COVID-19.