April 11, 2020 - Gibutyag sa Department of Health (DOH) sa gipatigayon nga ika-25 press conference sa CdeO City Government nga adunay napulo (10) ka kumpirmado nga kaso sa COVID-19 sa tibuok Region 10. Kini gikan sa pinakaulahing datos sa ahensiya sukad kagahapon, April 10,2020.

Matod ni Dr. Ian Gonzales sa DOH-10 nga ang mga positbong kaso gikan sa mga managlahi nga probinsya sa rehiyon:

Bukidnon:                                          1 kaso

Camiguin:                                          1 kaso

Lanao del Norte:                  1 kaso

Misamis Occidental:            1 kaso

Cagayan de Oro:                  1 kaso

Iligan City:                                         4 kaso

Giambit ni Gonzales nga wala’y mga bag-ong natala nga mga PUIs gumikan sa mga kabag-ohan nga gibuhat sa surveillance.

“Base sa Case Tracker, wala na nagareport sa PUI kay naa nay changes sa (1) surveillance system (2) coordinating mechanism at the national and regional level,”

Gibatyag usab niya ang lain pang mga kabag-ohan nga gibuhat sa national og local government unit alang sa pag-respondar sa COVID-19.

“Ang Inter-Agency Task Force napulihan na sa Regional Task Force for COVID-19. Ang lead agency na sa response kay ang OCD and DILG. When it comes to data sa local government, sa DILG na gikan ang data karun.”

Sa pagkakarun, aduna nalang pito (7) ka pasyente ang padayon gi-atiman sa Northern Mindanao Medical Center (NMMC) kung asa ang usa (1) positbo gihapon sa COVID-19 ug ang nabilin nga unom (6) kay naka recover na.