April 13, 2020 - Padayon nga gi-agwat sa City Health Office (CHO) ang publiko nga likayan sa ang paggawas sa panimalay bisan pa man nagka-ubos ang mga gakatala nga mga Persons-Under-Monitoring (PUMs) ug Patients-Under-Inspection (PUIs) sa dakbayan.

Gibatyag kini ni City Health Office officer-in-charge Dr. Lorraine Nery sa gimugna nga ika-26 nga press conference sa Cagayan de Oro City Government alang sa COVID-19 human namatikdan ang pagsaka sa mga tao nga gapanggawas sa ilahang mga panimaalay human sa padayon nga pag-ubos sa mga gakatala nga PUMs ug PUIs.

Gipasiugda ni Nery nga bisan nagkaubos ang numero sa mga postibo og possibleng kaso sa COVID-19, dili pa gihapon luwas alang sa publiko nga mugawas sa ilang mga panimalay.

“While atong PUIs and PUMs nagkaubos nag’yud sa numero, dili pasabot nga luwas nagyud kita sa COVID na sakit. Ayaw og kumpyansa sa kani nga mga numero nga atong gapagawas karon na nigamay na.”

Duggang pa ni Nery nga lakip pod nila gipadayon ang contact tracing sa mga PUMs nga nakahalubilo sa mga naa’y kaso sa Severe Acute Respiratory Illnesses (SARI).

“Naa tay ginamonitor karun na mga PUMs na gi-tag for contact tracing from those na nag positive ug katung naay mga SARI cases nga naadmit sa NMMC.”

Sa pagkakaron, aduna’y pito (7) ka PUMs: 1 gikan sa Brgy. Bulua; 2 gikan sa Brgy. Camaman-an’ 1 gikan sa Brgy. Kauswagan; 2 gikan sa Brgy. Lapasan; ug 1 gikan sa Brgy. Lumbia.

Ang lima (5) kanila kompleto na sa prescribed 14-day quarantine period karong adlawa ug ang nabilin nga duwa makakompleto na ugma.