PORMAL nga milagda si Mayor Klarex Uy og Memorandum of Agreement (MOA) tali sa Department of Science and Technology - 10 alang sa pag-implementar sa Innovation, Science and Technology for Accelerating Regional Technology-based Development (iSTART) project, Mayo 13, ning siyudad.

 

Ang iSTART project nakatutok sa sustainable Science, Technology, and Innovation (STI) efforts aron makutay ang pagkunhod sa ‘inequalities’ sa regional development.

 

Sa maong MOA, ang DOST maoy mopanday sa STI ug Smart City Plan pinaagi sa tabang sa City Planning and Development Office (CPDO), ug City Management Information Systems and Innovation Department (CMISID).

 

Gawas ni Mayor Klarex, mipirma sa MOA si DOST X Regional Director Dr. Romela N. Ratilla, DOST X Assistant Regional Director ug Chief of Technical Services Division Virgilio M. Fuertes, ug Chedilyn Aissa Duilguime, Officer-in-Charge sa City Planning and Development Office.

 

Ang kalihukan pag-ila usab sa Cagayan de Oro isip ‘Top 7 Most Competitive Highly Urbanized City’ sa overall ranking sa 2023 Cities and Municipalities Competitiveness Index (CMCI) ug 'Most Innovative Highly Urbanized City' sa pinakaunang Amihanang Mindanao Breakthrough Innovations and Technologies (AMBIT) Awards niadtong bulan sa Abril. (NLB/CIO/photos courtesy of CMO)