DUL-AN 150 ka mga opisyales sa Sangguniang Kabataan (SK) ang mipailawom sa Local Monitoring, Evaluation and Coaching Session, Mayo 10, diha sa City Tourism Hall, ning siyudad.

Atol sa maong kalihokan, nahisgutan ang mga kaakuhan ug responsibilidad sa Local Youth Development Office ug Sangguniang Kabataan.

 

Mitambong sa kalihokan sila si City Mayor's Office Public Relations Head Jann Guillmore Actub, kinsa mirepresentar ni Mayor Klarex Uy, Oro Youth Development Officer LordSaver Centina, National Youth Commission - Area Head for Caraga and Region X, Ms. Karenne Annover ug Hon. Kenneth John Sacala, SK Federation President.

 

Nasayrang kini ang unang higayon nga gipahigayon ang maong monitoring.

 

Ang maong kalihokan inisyatiba sa Oro Youth Development Office, National Youth Commission ug Sangguniang Kabataan Federation- Cagayan de Oro sa tinguha nga maplastar ang mga plano ug proyekto sa matag SK council. (NLB/CIO/photos by Claire Suizo and Fredd Marie Ramos/USTP Interns and Reynan Baylin/CIO)