GIATIMAN gilayon sa kagamhanan ning syudad ubos sa administrasyon ni Mayor Rolando `Klarex’ Uy ang katawhan nga naigo sa court order demolition diha sa Palalan Barangay Lumbia nga gipatuman adlaw’ng Lunes Hunyo 3, 2024.

 

Kini human miadto sa lugar ang mga personahi sa City Social Welfare and Development Department (CSWD) ug nang-apod-apod og food packs ngadto sa mga apektadong pamilya isip dinalian nga ayuda.

 

Anaa usab naka-standby ang mga personahi ug sakyanan sa City Engineer’s Office aron magamit sa mga pamilya nga kargahan sa ilang mga magamit nga gusto magpahatod sa ilang balhinan. (ALR/CIO/Photos from TG Demolition)