KAPIN 70 ka field workers ug case managers sa siyudad ug Misamis Oriental ubos sa Pantawid Pamilyang Pilipino Program (4Ps) program sa Department of Social Welfare and Development X ang gibansay sa City Inter-agency Committee (CIAC) adlaw’ng Martes, Hunyo 4, diha sa City Tourism Hall, ning siyudad.

 

Kini kalabot sa manual sa pagsustenir sa interest sa mga bata ug batan-on sa pag-eskwela.

 

Lakip sa mga gihisgotan ang ‘situationer’ sa mga bata sa rehiyon nga dili na ga-eskwela, mga rason niini ug mga posibleng intervention diin sila madasig na usab sa pag-eskwela.

 

Nahimong resource speakers sa maong kalihokan sila si City Social Welfare and Development (CSWD) Department Centers and Institutions Unit Head Chona Silvosa, City Psychologist Jaymee Leonen-Pagaspas, Michael Abrogar, Adolescent Health and Development Program Coordinator sa Community Improvement Division, ug uban pa.

 

Mitambong sa kalihokan sila si CSWD Assistant Department Head for Administration Atty. Threjann Ace Noli, City Mayor’s Office Consultant Jordan Ian Apat, CSWD 4Ps Focal Person Arlene Baja ug City Gender and Development Focal Point System Member Jocelyn Peñalosa ug uban pa.

 

Ang kalihokan inisyatiba sa CIAC uban sa DSWD X 4Ps Program ug CSWD.

 

Tumong niini nga madugangan ang kahibalo sa mga field workers ug case managers diin sila usab mao’y motudlo sa 4Ps beneficiaries diin sila naka-assign nga barangay. (NLB/CIO/Photos by Jonalyn Cabahug/USTP Intern).