NAGPAHIGAYON og ritwal nga ginganlan og pasablay o paguop ang grupo sa Indigenous People (IPs) sector ning syudad diha sa sa Gloryville Farm, Barangay Lumbia bag-ohay lamang.
Ug kini gisalmutan sa City Tribal Councils ug sa grupo sa IP Women diin ginganlan og PANIKA ha PUSAKA sa 16 ka barangay nga kabahin sa IPs sector.
Tumong sa ritwal nga mapalig-on ug mahatagan sa gahum ang matag pangulo sa ilang tahas ug sa posisyon nga ilang gidawat atol sa General Assembly nga gipahigayon niadtong Mayo 18, 2024, didto sa Oro Kalandang Peace Center sa Sitio Tambo, Barangay Dansolihon.
Ang maong kalihokan inisyatiba sa mga Limbobongan nga gidumala ni Datu Magagaw Roger Butlig, mga Datu, Bae ug Basbasunon sa 16 ka barangay nga gisaksihan sa City Social Welfare and Development Department. (NLB/CIO/photos courtesy of CSWD IPs)