WALA magmakuli si Mayor Klarex Uy nga mahatagan og higayon ang mga scholar -applicants kinsa wala nadawat sa scholarship program sa syudad nga makatungha gihapon human kini nakigtagbo kanila atol sa Waitlisted City Scholar Applicants Assembly nga gipahigayon, Hulyo 8-9, sa University of Science and Technology of Southern Philippines (USTP) Gym, ning siyudad.

 

Tungod niini mipaabot sa pasalamat ang mga ginikanan nga miuban kanila ngadto kang Mayor Klarex Uy tungod kay gituman gayud niini ang iyang saad sa pag-atiman kanila. Nasayran nga gikan sa 10,000 scholars nga damgo ni Mayor Klarex Uy atol sa pagsugod sa iyang termino isip mayor, mikabat na sa kapin 15,000 ang kasamtangan nga city scholars nga makapahimulos sa libre’ng pagtungha sa kolehiyo. (NLB/CIO/photos courtesy of CMO)