MOKABAT sa 532 ka batan-ong lideres ang misalmot sa unang Mindanao leg sa Global Youth Summit nga usa sa pinakadako nga panatagpok sa youth leaders, bag-ohay lamang nga gipahigayon sa SM Downtown Premier, ning siyudad.

 

Lakip sa gihisgotan sa maong summit ang Sustainable Development Goals (SDGs) ubos sa United Nations sama sa SDG 1: No Poverty, SDG 4: Quality Education, SDG 5: Gender Equality, SDG 6: Clean Water and Sanitation ug SDG 17: Partnerships for the Goals.

 

Samtang, mihatag usab sa iyang mensahe si Sangguniang Kabataan Federation President Kenneth John Sacala nga mirepresentar ni Mayor Klarex Uy diin iyang gipadayag nga anaa sa mga kamot sa mga kabatan-onan ang gahum aron makab-ot ang kabag-ohan.

 

"The power to create change lies within us," saysay ni SK Federation President Kenneth John Sacala.

 

Ang maong summit gipangulohan sa SM Cares, Global Peace Foundation (GPF) uban sa Oro Youth Development Office, City Scholarships Office, SM Malls Online, SM Cinema, Our Home, Andam Higala, SM Downtown Premier, Xavier University - Ateneo de Cagayan Central Student Government ug uban pa.

 

Ang Global Youth Summit usa ka four-leg series ug tinuig nga panagtipok sa liboan ka estudyante ug youth leaders gikan sa tibuok nasud kansang tinguha ang mahatagan sa opportunidad nga makatuon kalabot sa nag-unang hisgotanan kalabot sa United Nations SDGs ug madasig ang pagtinabangay aron masulbad ang maong mga panginahanglanon. (NLB/CIO/photos courtesy of CSO)