Gipasalamatan sa administrasyon ni Mayor Klarex Uy ang usa ka kompanya dinhi sa syudad human midonar og usa ka school building diha sa Besigan, ang pinakalayo nga barangay sa Cagayan de Oro.

 

Partikular nga gipasalamatan ni City Administrator Atty. Roy Hilario Raagas atol sa flagraising ceremony sa city hall Lunes sa buntag ang Gama Foods Corporation human gipahigayon ang groundbreaking ceremony alang sa katukoran sa one-storey, two-classroom building diha sa Cadayonan Integrated School sa barangay Besigan bag-ohay lamang.

 

Gawas kang Atty. Raagas, kinsa maoy mirepresentar ni Mayor Klarex, mitambong usab sa maong okasyon si Alyanna Chang Lim, ang executive sa Gama Foods Corp.; kapitan Samuel Minister sa Besigan; city engineer Joel Momongan, school head Jay-Ar Labajan ug mga representante sa Department of Education-Cagayan de Oro Schools Division ug Local School Board. (CIO/photos by Jun Ladao/City Administrator’s Office)