LARAW sa mga kadagkoan sa JR Borja General Hospital (JRBGH) nga madugangan ang kapasidad sa Intensive Care Unit (ICU) sa tinguha nga daghan pa ang matabangan ug maserbisyohan niini.

 

Matud ni Acting Chief of Hospital Dr Michael June Perez, nga anaa pa sa kasamtangang 8-bed capacity ang ICU ug daghan na ang gadangop sa city hospital alang sa maong serbisyo.

 

Samtang gipasabot usab ni Dr Perez nga bisan pa man sa tinguha sa JRBGH ubos sa administrasyon ni Mayor Klarex Uy nga mahatagan og kasayon ang mga pasyente apan apan adunay mga higayon nga kulangon pa gihapon ang serbisyo sa city hospital sanglit naningkamot pa usab ang pamunoan niini nga madugangan pa ang mga kinahanglanon sa ilabina sa tambal ingon man sa bed-capacity niini.

 

Malaumon si Dr Perez nga mas mapalambo pa niini ang JRBGH sa umaabot nga katuigan tungod usab sa dakong suporta ni Mayor Klarex nga naglantaw sa kaayohan sa katawhan.

 

Sa kasamtangan, ang JRBGH aduna nay 16 ka functional dialysis machines ug madugangan pa kini og 11 sa dili matapos kining tuiga. (ACM/CIO)