GARBO sa dakbayan sa Cagayan de Oro ubos sa administrasyon ni Mayor Rolando ‘Klarex’ Uy human nasakmit sa Public Employment Service Office – CDO isip regional winner sa 2024 Search for Best PESO ubos sa Highly Urbanized category nga gipasiugda sa Department of Labor and Employment Region 10, Hulyo 18 ning tuig.

 

Mismo si PESO manager Ms. Kathleen Kate Sorilla ang personal nga midawat sa maong pasidungog atol sa quarterly meeting & regional mid-year performance assessment cum learning sessions adlaw’ng Huwebes, Hulyo 18.

 

Ang maong kadaogan nagsumikad sa mas gipalapdan nga programa sa PESO-CDO uban sa hugot nga suporta sa DOLE alang sa employment facilitation, job referral & placements, career guidance, employment coaching ug uban pang livelihood opportunities.

 

Alayon niini, makigtigi alang sa National Search for Best PESO Award karong bulan sa Oktubre ang PESO-CDO atol sa ipahigayon nga 2024 National PESO Congress sa dakbayan sa Zambonga. (AGP/CIO)