KINASING-KASING nga gipasalamatan ni Carmen Barangay Kapitan Joaquin ‘Kikang’ Uy ang katawhan ug mga personahi sa barangay tungod sa malampusong kasaulogan sa kapistahan sa barangay Carmen.

 

Nanghinaot si Kapitan Kikang nga ang kapistahan nakahatag unta sa lingaw ug kalipay dili lamang sa taga-Carmen, apan sa kinatibuk-ang katawhan nga mibisita sa barangay ug mipaambit sa maong selebrasyon.

 

Matud ni Kapitan Kikang puno sa kalipay ug kasadya ang pagsaulog sa kapistahan sa mahal nga patron, Nuestra Señora del Carmen.

 

Nagpasalamat usab siya nga walay mga dautang panghitabo nga nasinati sa barangay, uban ang pasalamat sa tanan, ilabina ang lokal nga kagamhanan sa syudad ubos ni Mayor Klarex Uy, mga sponsors ug mga ahensya sa gobyerno nga miabag sa barangay.

 

Gisaad ni Kapitan Kikang nga sa sunod tuig, mas bibo pa nga kapistahan ang mahitabo sa barangay Carmen. (EN/photo by Kap Kikang FB page)