Gilauman nga maningkamot ang mga opisyal sa barangay ilabina ang Barangay Anti-Drug Abuse Council (BADAC) nga mas mapalig-on ang pagpatuman sa ilang mga programa human gilusad sa City Anti-Drug Abuse Council (CADAC) pinangulohan ni Mayor Rolando `Klarex’ Uy ang Search For Best BADAC 2024.

 

Ang maong kompetisyon gilusad dili pa lang dugay atol sa kasaulogan sa International Day Against Drug Abuse and Illegal Trafficking (IDADAIT) 2024.

 

Sama sa CADAC Hymn Writing Contest, ang pag-award sa mapili nga Best BADAC himoon karong Nobiyembre 2024 atol sa Drug Abuse Prevention and Control (DAPC) Month celebration, sigun sa pahibalo ni Dr. Rhyselle Bernadette Melliza-Descallar, division head sa City Anti-Drug Abuse Division-Oro Wellness Center (CADAD-Oro Wellness Center).

 

Gipasabot ni Dr. Descallar nga adunay mga key indicators nga gibasehan alang sa pagpili sa Best CADAC 2024 diin pipila niini mao ang pag-establisar Barangay Rehabilitation Referral Desk with Designated Barangay Duty Officer.

 

Lakip na usab niini ang pagmugna og BADAC Auxiliary Team (BAT), pagpatuman sa drug clearing operations, pagpatuman sa Community-Based Intervention for Person Who Use Drugs (RPWUDs) –Presence of Referral System, Active Aftercare Program for Recovering Person Who Use Drugs for program sustainability ug uban pa nga mga key indicators nga basehan sa CADAC alang sa maong kompetisyon.

 

Kini nga kalihokan inabagan usab sa Department of the Interior and Local Government (DILG), ug Office for Community Affairs. (ALR/CIO/Infog & photos from CADAD)