GIMANDO ni Mayor Rolando “Klarex” Uy ang pagsiguro nga makutayan na sa kuryente ug tubig ang Cugman National High School aron magamit ug mapuslan kini sa mga estudyante ug mga magtutudlo nga nagtungha sa maong dapit.

 

Matud ni City Engr. Joel Momongan, atol sa pinakaulahing panagtigom sa Local School Board, nga dalion ang pagproseso sa Program of Works alang sa electrical ug water installation ingon man ang pag-atiman sa mga suliran nga nakita sa Cugman National High School.

 

Gani man andam na ang pundo alang sa maong katuyoan ug laumang masugdan ang pag-atiman sa kuryente ug panubig sa maong tunghaan.

 

Gibutyag usab sa school principal sa Cugman National High School nga andam silang motabang sa pagbantay sa tunghaan aron lamang malikayan ang susamang panghitabo ug magamit na nila kini.

 

Samtang lakip sa gimando ni Mayor Klarex ang paghatag og lima ka mga armchairs kada classroom alang sa mga left-handed nga mga estudyante. (ACM/CIO photos by ROD CONSTANTINO)