GI-AWHAG ang tanang mga jobseekers/nangitag trabaho nga dili pakyason ang kahigayonan ug mosalmot sa labing-una nga Higalaay Mega Job Fair karong Agosto 22, 2024 diha sa 2nd floor vacant space sa Robinsons – CDO nga gipasiugdahan sa kagamhanang lokal sa Cagayan de Oro ubos sa administrasyon ni Mayor Roland ‘Klarex’ Uy, isip usa sa mga nakahan-ay nga special events sa Higalaay Festival 2024.

 

Ang nasangpit nga Mega Job Fair gipangunahan sa Job Placement Bureau – Public Employment Service Office CDO kauban ang Robinsons CDO, Department of Labor and Employment ug Department of Migrant Workers.

 

Mokabat usab sa 75 ka mga local partner industries ug 25 ka mga overseas recruitment agencies ang gikatakdang mosalmot sa Higalaay Mega Job Fair.

 

Alang sa dugang impormasyon mahimong mag-follow sa official Facebook page sa @PESO Cagayan de Oro. (AGP/CIO)