GIAWHAG kadtong nag-edad og 18-30 anyos nga nahisakop sa Out-of-School-Youth ug mga wala’y trabaho nga magpre-register ug mosalmot sa ‘Kahigayonan 2024: UY!portunidad para sa Kabatan-onan ‘Skills Training Expo & Job Fair’ Year 3 nga ipahigayon karong Agosto 12-14, diha sa 3rd floor, Centrio Ayala mall, ning siyudad.

 

Ma-access ang pre-registration niini nga link. http://surl.li/tvjpvs Abri ang link hangtud Agosto 5.

 

Nasayrang mokabat sa 35 ka local ug 6 ka overseas employers ang naghulat nga oportunidad sa mga kabatan-onan.

 

Magpre-register lamang ug magdala og cover letter ug Curriculum Vitae (CV) atol sa kalihokan.

 

Anaa usab libreng enrollment sa skills training nga gilangkoban sa *Carpentry NC lI *Electrical Installation and Maintenance NC II *Construction Painting NC II *Plumbing NC I *Plumbing NC II *Shielded Metal Arc and Welding NCI *Shielded Metal Arc and Welding NC II * Housekeeping NC lI * HEO Backhoe Loader NC lI * Bookkeeping NC III * Contact Center Services NC Il * Events Management Services NC III * Computer System Servicing NC II * Agricultural Crops Production NC II * Cookery NC lI

Buksan ang maong kalihokan karong Agosto 12 alayon sa kasaulogan sa International Youth Day samtang ipahigayun ang job fair sulod sa usa ka adlaw sa Agosto 13.

 

Gawas sa job fair, magtanyag usab og skills exhibit and training application, livelihood and entrepreneurship assistance scholarship orientation, UY talks kon inspirational talks sa mga kabatan-onan ug variety show kon dance contest.

 

Ang maong kalihokan kabahin sa Oro Youth month nga gisaulog matag bulan sa Agosto.

 

Kini gipangulohan sa Oro Youth Development Office, Sangguniang Kabataan Federation- Cagayan de Oro ug Out-of-School Youth Development Alliance. (NLB/CIO/Infographic by OYDO) #OroYouth #OSYDAUYPORTUNIDAD #KahigayonanYear3