Mokabat sa 109 ka mag-uuma gikan sa Barangays Bayanga, Cugman, Tignapoloan, ug Tuburan ang migradwar human malampuson nga mikumpleto sa Livestock Farmers Field School Program nga nagsentro sa Swine Production and Management.

 

Ang programa maoy usa sa mga priority program sa administrasyon ni Mayor Rolando `Klarex’ Uy ubos sa RISE Agenda sa tinguha nga matabangan ang mga mag-uuma ilabina ang mga backyard hog raisers nga makabangon human naapektuhan sa pag-igo sa African Swine Fever (ASF).

 

Si City Veterinarian Dr. Perla Asis, mipahalipay ug midayeg sa mga mag-uuma sa ilang dedikasyon diha sa pagtapos sa maong programa.

 

Alayon niini, nagpasalamat si Dr. Asis kang Mayor Klarex sa hugot nga pagsuporta ug tinguha nga matabangan ang mga mag-uuma.

 

Gipasalamatan usab niya ang barangay councils sa maong mga barangay nga misuporta sa ilang kugihan nga mga mag-uuma.

 

Si City Administrator Atty. Roy Hilario Raagas ang mihatag sa iyang mensahe isip representante ni Mayor Klarex. (ALR/CIO/Photos from City Vet)