MALAMPUSONG gitapos ang ika-46 nga National Disability Rights Week, Agosto 2, nga gipahigayon sa SM Uptown Event Center, ning siyudad.

 

Atol sa kalihokan, nagkadaiyang indigay ang gipahigayon nga gilangkoban sa singing contest, dance contest ug pageant tali sa mga Children with Special Needs kon Little Ms. and Mr. National Disability Rights Week 2024.

 

Mipadayag usab sa ilang tagsa-tagsa ka mensahe sila si City Administrator Atty. Roy Hilario Raagas kinsa mirepresentar ni Mayor Klarex Uy, diin iyang gisaysay ang hugot ug padayon nga suporta niini sa matag kalihukan.

 

“We will continue to promote and ensure the welfare of persons with disabilities, ensuring that they and their families have better access to services and more opportunities for economic viability and sustainability,” saysay ni Atty. Raagas.

 

Ang National Disability Rights week gipasiugdahan sa City Social Welfare and Development (CSWD) Department Persons with Disabilities Section uban sa Persons with Disabilities Affairs Office (PDAO) ug hugot nga gisuportahan sa SM City Uptown ug Mcdonald’s Ororama Cogon uban sa tumong nga mapadayag ang mga katungod sa mga PWD alayon sa temang, “Promoting inclusion: celebrating abilities and advocating access.”

 

Kini gisalmotan usab sa mga Persons with Disabilities gikan sa nagkadaiyang barangay, PWD organizations, mga ginikanan sa Children of Special needs, nagkadaiyang national government agencies, ug uban pa.

 

Lakip usab sa mitambong sa kalihokan sila si PDAO Head Maria Liza Corpuz, CSWD Head Annie Tongson, CSWD PWD Section Head Ma. Cheryl Gacita, City Gender and Development Focal Point System Representative Jocelyn Peñalosa kinsa mirepresentar ni City GAD Co-chair Sheila Lumbatan, Maritime Industry Authority Regional Office X OIC Juliet S. Nacion, National Nutrional Council OIC Maria Cynthia Vengco, mga barangay officials gikan sa nagkadaiyang ug uban pa. (Words and Photos by Nica Borja/CIO)