GITAPOS kagahapong adlawa, Agosto 5, sa City Nutrition Committee ang ika-50 nga Nutrition Month nga gipahigayon sa City Tourism Hall, ning siyudad.

 

Atol sa kalihokan, gipahigayun ang dance contest diin migula isip kampyeon ang Barangay Bulua, 2nd place ang Barangay Carmen ug 3rd place ang Barangay Mambuaya.

 

Sa susamang adlaw, gilusad usab ang Breastfeeding Awareness month nga gasaulogon matag bulan sa Agosto.

 

Mitambong sa kalihokan sila si Vice Mayor Bebot Rodriguez, Acting City Nutrition Action Officer Caroline Cabunoc, City Health Officer Dr. Rachel Daba-Dilla, Committee on Health Chairperson City Councilor Dra. Ma. Lourdes Gaane, City Health Office Nutrition Medical Officer Dr. Ameerah Sani Racman ug uban pa.

 

Ang kalihokan gipangulohan sa City Nutrition Committee diin gisalmotan sa mga Barangay Nutrition Committee members, Barangay Nutrition Scholars, City Nutrition Committee lakip barangay councils sa nagkadaiyang barangay miduyog sa maong kasaulogan.

 

Ang tema karong tuiga mao ang, “Sa PPAN sama-sama sa nutrisyon sapat para sa lahat.” (NLB/CIO/photos by Jomar Figuracion and Roel Felicitas/CIO)