GIBUKSAN na sa publiko ang upat (4) ka adlaw nga Tinagbuan Festival Trade Fair kagahapong adlawa, Agosto 7, sa Limketkai Rotonda isip usa sa mga kalihukan sa Higalaay Festival 2024.

 

Gipangulohan sa FOPANORMIN ug sa local nga kagamhanan sa dakbayan sa Cagayan De Oro ingun man sa nagkadaiyang mga nasudnong buhatan ang pagpahigayon sa trade fair aron mahatagan og higayon ang mga local products nga mapasundayag ilabina ning bulan sa kapistahan ni Senyor San Agustin.

 

Makita sa trade fair ang nagkadaiyang produkto sama sa food ug non-food products, handicrafts, accessories, kape, tableya, canned and bottled products ug uban pang mga produkto gikan sa Micro, Small and Medium Enterprises (MSMEs) ning dakbayan.

 

Mirepresentar usab ni Mayor Rolando Klarex Uy sa opening ceremony niini si City Councilor George Goking kinsa mao usab ang chairman sa Committee on Trade & Commerce sa 20th City Council ug ang ORO-TIPC. (GB/CIO PHOTOS BY KIM ZALDIVAR/CIO)