IPAHIGAYON ugmang adlawa, Agosto 15, 2024 ang SurUy-SurUy sa Baryo program ni Mayor Rolando ‘Klarex’ Uy sa NHA Kauswagan aron paghatod sa ‘Klarex nga Serbisyo sa Panlawas’.

 

Mokabat usab sa 1,752 ka mga Philhealth IDs ug member data record (MDRs) ang gitunol sa syudad kauban ang Philhealth Region 10 ngadto sa katawhan atol sa SuruY-SurUy sa baryo sa Bolao, Iponan kagahapon.

 

Gawas sa PhilHealth program, 77 usab ang nakapahimulos sa dental services, 51 sa eyecare services ug 212 ang mipaubos sa laboratory services, 4 usab ka senior citizens nga nagsaulog sa ilang adlawn’g natawhan ang nahatagan og birthday cakes.

 

Samtang nakigduyog usab sa SurUySuruy sa baryo si Barangay Carmen Kapitan Rainer Joaquin Kikang Uy bitbit ang KapKik karavan nga naghatag og kalingawan pinaagi sa pagpahigayon og singing contest ug magic show, ingon man ang libreng pag-apod-apod og cupcakes ug ice-cream ngadto sa mga katawhan nga misalmot sa SurUy-SurUy sa Baryo.

 

Ang SurUySurUy sa baryo usa ka hiniusang paningkamot sa kagamhanang lokal ubos sa administrasyon ni Mayor Klarex pinaagi sa City Health Insurance Office, City Health Office, JR Borja General Hospital, City Disaster Risk Reduction and Management Department, City Social Welfare and Development Department uban sa hugot nga kooperasyon sa mga kabaranggayan. (AGP/Photos by CHIO)