MOABOT sa 250 ka nagpasusong inahan ang misalmot sa ikaupat nga Hakab sa Oro nga gipahigayon adlaw’ng Huwebes, Agosto 15, diha sa Middleton Apartelle, Carmen, ning siyudad.

 

Ang Hakab sa Oro usa ka simultaneous breastfeeding activity diin dungan nga nagpasuso ang mga inahan sa ilang mga anak.

 

Atol sa kalihokan, gipahigayon ang simultaneous latch on ug breastmilk letting activity diin mikabat sa 3,500 mL ang nakolekta nga gatas gikan sa 72 ka inahan nga ihatag gilayon sa Northern Mindanao Medical Center (NMMC) Human Milk Bank and Lactation Unit ug JR Borja General Hospital Milk Bank nga buksan karong Agosto 22.

 

Mipaambit usab si Dr Elma Oclarit, Medical Officer IV sa sa Department of Health Center for Health Development - Northern Mindanao (DOH CHD-NM), sa tema ning tuiga nga mao ang "Closing the Gap: Breastfeeding Support for All"diin gipasabot niini ang pagahin sa critical importance sa breastfeeding, ilabina kung nagsakit ang bata.

 

Mitambong sa kalihokan ang mga representante gikan sa Department of Health, NMMC Human Milk Bank and Lactation Unit, JR Borja General Hospital, Cagayan de Oro City Police Office, City Social Welfare and Development Department, Agricultual Productivity Operations Office ug ubang miyembro sa CDO IYCF Task Force, nagkadaiyang grupo sa stakeholders, lakip peer counselors, Barangay Nutrition Scholars, Allied health forces ug breastfeeding advocates gikan sa nagkadaiyang organizations.

 

Ang kalihokan inisyatiba sa City Health Office pinaagi sa CDO Infant and Young Child Feeding -Breastfeeding Task Force uban sa Department of Health Center for Health Development - Northern Mindanao alayon sa tinguha nga mapasundayag ug mapakita ang kusog ug panaghiusa sa breastfeeding community ning bulan sa Agosto diin ginasaulog usab ang National Breastfeeding Awareness month. (NLB/CIO/photos by Roel Felicitas/CIO