NAGPAHIGAYON og bangus fingerling dispersal ang syudad ubos sa administrasyon ni Mayor Rolando `Klarex’ Uy pinaagi sa Agricultural Productivity Operations Office (APOO) diha sa Barangays Bayabas ug Cugman, Biyernes Agosto 16, 2024.

 

Ang Bantay Dagat sa Barangay Bayabas mao ang benepisyaryo sa mokabat 10, 000 fingerlings sa bangus.

 

Samtang ang Cugman Active Small Fisherfolk Association (CASFA) usab ang benepisyaryo sa Barangay Cugman.

 

Gipasabot ni APOO Dep’t Manager Engr. Paterno Gonzales nga ang duha ka barangay nagtutok sa Bangus Fish Cage Project, gani mao na kini ang ilang second crapping.

 

Niadtong Hulyo 22, 2024, malampuson nga naka-harvest ang Barangay Bayabas og mokabat 229 kilograms sa bangus samtang ang Barangay Cugman naka-harvest og 3,274 kilograms.

 

Ang programa sa agrikultura maoy usa sa gitutukan ni Mayor Klarex aron matabangan ang fisherfolk nga mas molambo pa ang ilang panginabuhi. (ALR/CIO/Photos by Reynan Baylin/CIO)