PORMAL nga milagda si Mayor Klarex Uy og Memorandum of Agreement (MOA) uban ang Department of Science and Technology (DOST) X, Department of Education (DepEd)- X ug DepEd Division of Cagayan de Oro kalabot sa pag-implementar sa ‘Smart Education Technology Systems’ Agosto 19, sa pipila ka tunghaan ning siyudad.

 

Napiling pilot schools sa maong proyekto ang PN Roa National High School ug Puntod National High School diin ang proyekto i-implementar sulod sa usa ka tuig.

 

Mismo si DOST X Regional Director Dr. Romela N. Ratilla, DOST Provincial Science and Technology Office (PSTO)- Misamis Oriental OIC - Provincial S&T Director Engr. Ruel Vincent Banal uban ni DepEd- Division of Cagayan de Oro Division Superintendent Dr. Roy Angelo Gazo ug DepEd Assistant Regional Director Federico Martin kinsa mirepresentar ni DepEd Regional Director Dr. Arturo Bayocot ang milagda sa kasabotan.

 

Kini gisaksihan usab ni DOST-X Chief Science Research Specialist Virgilio D. Puertes, Local School Board Executive Director Dr. Alicia Anghay

ug LGU-CDO Focal Person for Smart city Dr. Ferdinand Miranda.

 

Tumong sa maong proyekto nga mahatagan og solusyon ang key issues sa workload ug productivity sa DepEd teachers' ilabina sa student security concerns lakip na ang pag-promote sa digital transformation. (NLB/CIO/photos by Kim Zaldivar/CIO).