Mas gipalig-on karon sa administrasyon ni Mayor Rolando `Klarex’ Uy ang pagpatuman sa mga programa ug kampanya sa City Anti-Drug Abuse Council (CADAC) ilabina sa kabarangayan pinaagi sa Barangay Anti-Dryg Abuse Council (BADAC).

 

Human nagpahigayon og orientation ang mga personahi sa City Anti-Drug Abuse Division – Oro Wellness Center (CADAD-Oro Wellness Center) pinangulohan ni Dr. Rhyselle Bernadette Melliza-Descallar uban sa personahi sa Cagayan de Oro City Police Office (Cocpo) ngadto sa mga miyembro ug stakeholders sa Barangay Indahag.

 

Agi usab kini og tubag sa hangyo ni Indahag Punong Barangay Marlon Fidel D. Bongay aron ipahinumdom sa mga miyembro sa BADAC ang ilang papel ug responsibilidad ug masiguro ang malungtaron nga pagpatuman sa ilang programa ug serbisyo aron ma-promote ang usa ka drug-resistant barangay.

 

Tinguha usab sa administrasyon ni Mayor Klarex nga madeklarar ang tanang barangay nga drug-free ilabina ang dakbayan sa Cagayan de Oro. (ALR/CIO/Photos from CADAD-Oro Wellness Center)