DAKONG garbo sa siyudad human gipasidunggan ang Seal of Child-friendly Police Station sa Oro Youth Development Office (OYDO) ug Youth Agvocates Project sa Kagay-Anon Youth Network Alliance (KaYa NA!) isip lakip sa Top 20 National Finalists sa 21st Search for the Ten Accomplished Youth Organizations (TAYO) Awards, Agosto 19, sa Manila Metropolitan Theater.

 

Ang Seal of Child-friendly Police Station sa Oro Youth usa ka indigay tali sa mga police station sa Cagayan de Oro nga ga-promotar sa pagprotehir sa mga kapolisan sa katungod sa mga kabataan samtang ang Ang Youth Agvocates Project usa ka all-in-one training, immersive workshop, ug volunteering activity nga nagtutok sa Urban Microfarm Concept covering Hydroponics ug Urban Gardening alang sa mga Out-of-School youth gikan sa Life Project 4 Youth CDO, Technical Education And Skills Development Authority (TESDA) trainees, ug mga learners sa Alternative Learning System sa Department of Education.

 

Mismo ang mga personahe sa Oro Youth Development Office pinangulohan ni Oro Youth Development Officer Lord Saver ‘Vhaugne’ Centina uban ni Sangguniang Kabataan Federation-CDO President Kenneth John Sacala ang midawat sa maong pasidungog sa Seal of Child-friendly Police Station.

 

Samtang sa Youth Agvocates Project, Ang KaYa NA! pinangulohan ni KaYa NA! President John Rey Remadavia uban ni United States Agency for International Development (USAID) Opportunity 2.0 Youth Development Officer Christian Val Daquipil ang midawat sa maong pasidungog.

 

Midawat usab sa ‘Hello Pagkain’ award alang sa ilang impressive efforts sa pag-promote sa food security ug agriculture sa mga kabatan-onan ang KaYa NA!

 

Ang TAYO Awards Foundation, gi-mugna niadtong tuig 2002 diin tinguha niini ang pag-ila sa ‘outstanding contributions’ sa nagkadaiyang youth organizations sa tibuok nasud.

 

Kahinumdoman nga ning tuig, ang TAYO Awards, aduna’y 750 applicants hinungdan nga dakong garbo sa siyudad nga napili isip lakip sa Top 20 finalists ang Seal of Child-friendly Police Station sa Oro Youth Development Office (OYDO) ug Youth Agvocates Project sa Kagay-Anon Youth Network Alliance (KaYa NA!).

 

Gani man, ang maong pasidungog mahinungdanon usab sanglit gisaulog sa bulan sa Agosto ang Oro Youth month ug dugang indikasyon sa pagsustenir ni Mayor Klarex sa iyang pasidungog nga nadawat gikan sa USAID isip ‘Champion of Youth’ niadtong Marso 2023. (NLB/CIO/photos courtesy of Oro Youth and KaYa NA!) #OroYouth #KaYaNA #ChildFriendlyCDO #TAYO21NationalFinals