GIKATAKDANG magpahigayon ang City Local Environment and Natural Resources Office (CLENRO) og Plogging Activity nga 'MAG TAK-PUL TA UY, Takbong may Pulot' karo’ng umaabot Agosto 30, isip kabahin sa mga kalihukan sa kapistahan ni Senyor San Agustin.

 

Alayon niini, nanawagan ang Clenro sa katawhan nga bout mosalmot niini nga mahimo pa nga magparehistro hangtod Agosto 24 sa City Hall Mini Park ingon man sa buhatan mismo sa CLENRO.

 

Ang nasangpit nga 'Plogging Activity' gipaluyohan usab sa WWF-Philippines, ug Environmental Management Bureau (EMB) Region X.

 

Nasayran nga magsugod ang plogging activity, alas 5 sa buntag sa Kiosko Kagawasan Divisoria ning dakbayan. (GB/CIO Photo Layout by CLENRO)