Subay sa bag-ong taho sa gidudahang African Swine Fever (ASF) virus, gipasidan-an ug giaghat ning syudad sa administrasyon ni Mayor Rolando `Klarex’ Uy pinaagi sa City Veterinary Office ang tanang barangay nga magmabinantayon ug magmonitor sa ilang tagsa-tagsa ka barangay.

 

Samtang gipadayag ni City Veterinarian Dr. Perla Asis nga kinahanglan ipatuman ang provisions sa City Ordinance No.14043-2021 o “An Ordinance Providing for the Rules and Regulations for the Prevention and Control of Emerging and Re-emerging Infectious and Zoonotic Animal Disease”, nga gipatuman sa pagsugod sa unang outbreak ning syudad.

 

Gani, daling gipatawag ni Dr. Asis ang mga Barangay Biosecurity Officers (BBOs) diin ilang gihisgutan ang mahitungod sa preventions and control aron malikayan ang subling outbreak.

 

Basi sa City Ordinance gitugotan ang mga punong barangays nga magmugna og Barangay Animal Disease Monitoring and Surveillance Team aron moabag sa City Veterinary Office sa tanang kalihokan kalabot sa prevention, control and eradication sa animal diseases in ilang tagsa-tagsa ka barangay.

 

Gikataho nga adunay gidudahang kaso sa ASF human sa sunod-sunod nga pagkamatay sa mga baboy gawas sa borders ning syudad hinuon wala pa makumpirma ang maong taho apan kinahanglan ipatuman ang surveillance ug monitoring aron mapugngan ang pagsulod sa infected swine dinhi sa syudad.

(ALR/CIO/Infog from CVO)