GIBUKSAN na ang `Human Milk Bank’ sa JR Borja General Hospital (JRBGH) karong adlawa, Agosto 22, sa pagpangulo ni Chief of Staff Shiela Lumbatan nga mi representar ni Mayor Rolando Klarex Uy

 

Kini agig suporta sa mga inahan nga nakasinati'g kakulangon sa gatas sa pagpasuso sa ilang gihimugso nga.

 

Nasayaran gikan ni Dr. Michael June Perez, acting Chief of Hospital sa JRBGH, dungan ang pagbukas sa bag-ong pasilidad sa kasaulogan sa ika-61 nga anibersaryo sa maong tambalanan.

 

Dugang pa niini, laraw usab nga maghimo og Local Lactation Support nga labing una dinhi sa dakbayan, agig suporta sa mga inahan nga nagpasuso sa mga kabarangayan nga nakasinati og kalisud sa supply og igong 'breast milk' alang sa ilang mga anak.

 

Nasayarang ikapasigarbo gayud ang maong 'Human Milk Bank' sanglit aduna kini 'state of the art' nga mga ekipo alang sa pag-preserbar og mga breast milk.

 

Lakip sa mitambong si City Administrator Atty Roy Hilario Raagas, City Health Officer Dr. Rachele Dilla uban usab ang mga empleyado sa JRBGH.

 

Dako usab ang pasalamat ni Dr. Perez sa administrasyon ni Mayor Klarex Uy diin gihatagan gayud niini og pagtagad ang mga kalambuan sa mga tambalanan dinhi ning syudad. (GB/CIO Photos by Reynan Baylin/CIO)