MAPAGARBOHONG gibuksan ang labing unang SonAmpat kon pinakauna nga CdeO Boot Camp Higalaay Music and Arts Festival sa Cagayan de Oro, aadlaw’ng Biyernes, Agosto 23, diha sa City Tourism Hall, ning siyudad.

 

Mismo si City Gender and Development (GAD) Focal Point System Co-Chairperson Sheila Lumbatan ang mibukas niini nga mirepresentar usab ni Mayor Klarex Uy.

 

Anaa usab si SonAmpat Chairperson City Councilor Girlie Balaba, SonAmpat Co-chairperson City Councilor Malvern ‘Bernie Bitok-bitok’ Esparcia, City Indigenous Peoples Mandatory Representative (IPMR) City Councilor Roberto 'Datu Makilala' Cabaring, Vice Mayor’s Office Chief of Staff Michael Villamor kinsa mirepresentar ni Vice Mayor Bebot Rodriguez ug mga celebrity mentors sama ni Waway Saway ug Joey Ayala.

 

Mokabat sa 176 songwriters, singers (Soloist or Duo), band (maximum of 5 members), choreographers or dancers of a dance group ug visual artists (painting) gikan sa Cagayan de Oro, Opol, Bukidnon, Iligan, Medina ang misalmot sa boot camp.

 

Nasayrang ang boot camp molungtad hangtud Agosto 26, ug gibahin sa hugna diin adunay breakout sessions alang sa composition, voice, dance, soil painting, ug baybayin lakip workshops, masterclasses, ug collaborative sessions.

 

Anaa usab ipahigayong concert matag gabii sa Amphitheater nga kabahin sa kalihokan.

 

Lakip sa mga mentors ug performers sa maong kalihokan sila si Joey Ayala, Bayang Barrios, Dong Abay (Yano), Waway Saway, Datu Alimuwan, Talahib People's Music, Dodu Abrio and the Viajeros, Haring Gangis ug uban pa.

 

Ang SonAmpat inisyatiba sa City GAD Focal Point System ubos sa pagpangulo ni Mayor Klarex Uy, City GAD Focal Point System Co-chairperson Sheila B. Lumbatan, City GAD Focal Point System member ug SonAmpat Boot Camp Coordinator Sol Paeste-Mosqueda, SonAmpat Chairperson City Councilor Girlie Balaba, SonAmpat Co-chairperson City Councilor Malvern ‘Bernie Bitokbitok’ Esparcia uban sa tinguha nga mapadayag ang nagkadaiyang talento sa Kagay-anons uban sa pag-promote og gender inclusivity ug environmental sustainability sa siyudad.

 

Alang sa timely updates sa kalihokan, mahimong mobisita sa ilang Facebook page: Sonampat. (NLB/CIO/photos by Kim Zaldivar and Nica Borja/CIO)