SUBLING nakuha sa ikaduhang higayon sa Macabalan Elementary School ang kampyonato sa Higalaay Festival PE Rhythmic Competition karung tuiga sa bag-ohay lang natapos nga kompetisyon karo’ng adlawa, Agosto 25 nga gipahigayon sa Misamis Oriental Integrated Sports Complex.

 

Samtang first runner up ang Gusa Elementary School ug second runner ang South City Central School.

 

Mokabat sa ₱200,000 ang nakuha sa kampyon samtang, ₱175,000 sa 1st Runner Up, ug ₱150,000 ang naangkon sa 2nd Runner Up nga gisalmotan sa kapin 1,000 ka mga estudyante sa pampublikong elementarya isip usa sa mga core events sa Higalaay Festival 2024.

 

Dako usab ang pasalamat ni Mayor Rolando 'Klarex' Uy sa kalampusan sa maong aktibidad, ug mapasalamaton kini sa mga ginikanan sa suporta alang sa ilang mga anak, ilabina nga gihandom sa mayor ang pakiglambigit sa aron sa ingon malingaw sa kapistahan ning dakbayan.

 

Napulo ka competing contingents ang misalmot karong tuiga nga gilangkuban sa Bulua Elementary School, Camaman-an Elementary School, City Central School, Gusa Elementary School, Kauswagan Elementary School, Macabalan Elementary School, Macanhan Elementary School, South City Central School, Tablon Elementary School ug West City Central School.

 

Misaksi usab sa maong kalihukan ang mga miyembro sa City Council, City Schools Division Superintendent Dr. Roy Angelo E. Gazo uban ang Deped Mancom ug LGU Coordinator for PE Rhythmic Dance Competition nga si Dr. Alicia Anghay. (GB/CIO Photos by Kim Zaldivar & Roel Felicitas)