GIPASALAMATAN sa buhatan sa City Local Environment and Natural Resources Office (CLENRO) ang tanang misalmot sa malampusong Plogging Activity nga 'MAG TAK-PUL TA UY, Takbong may Pulot' Agosto 30.

Misalmot sa maong kalihukan ang mga kawani sa city hall ingon man pribadong sektor ug individual nga mihimo sa pagdagan ug pagpamunit sa basura sa nagkadaiyang kadalanan ning dakbayan.

Ang nasangpit nga 'Plogging Activity' gipaluyohan usab sa WWF-Philippines, ug Environmental Management Bureau (EMB) Region X.

Ang nasangpit nga Plogging activity lakip usab sa kalihukan sa usa ka bulan nga kasaulogan sa kapistahan ning dakbayan. (GB/CIO)