MALAMPUSONG gipahigayun ang pinakaunang Inter-agency Dragon Boat Race competition alayon sa pagsaulog sa ika-124 nga Philippine Civil Service anniversary, Septiyembre 1, diha sa Isla De Oro, ning siyudad.

 

Migula isip kampeon sa maong kompetisyon ang Bureau of Jail Management and Penology (BJMP) X diin midawat kini og plaque of recognition ug cash prize nga balor og P10,000, samtang 2nd place ang Bureau of Fire Protection X nga adunay cash price nga P7,000 ug plaque of recognition ug 3rd place ang Civil Service Commission X diin kini midawat og plaque of recognition ug cash prize nga balor og P5,000.

 

Mismo si City Administrator Atty. Roy Hilario Raagas ug Chief of Staff Sheila Lumbatan kinsa mirepresentar ni Mayor Klarex Uy, Human Resource Management Department (HRMD) Department Manager Xsyclyn Faith ‘Kansai’ Lumbatan ug Atty. Rowena Gingo Acting Director II sa Civil Service Commission Field Office X ang mitunol sa mga awards.

 

Ang maong indigay gisalmotan sa 7 ka mga teams gikan sa nagkalain-laing national government agencies ug LGU-CDO.

 

Lakip sa misalmot ang LGU-CDO, Civil Service Commission (CSC) X, Cagayan de Oro City Police Office (COCPO), Department of Science and Technology (DOST) X, Bureau of Jail Management and Penology (BJMP) X, Department of Social Welfare and Development (DSWD) X ug Bureau of Fire Protection (BFP) X.

 

Gawas sa dragon boat race, anaa usab gipahigayon nga kite festival contest, diin migula nga kampeon ang COCPO ug midawat og plaque of recognition ug cash prize nga balor og P3,000.

 

Ang kalihokan inisyatiba sa Human Resource Management Department alayon sa Philippine Civil Service anniversary nga gasaulogon matag bulan sa Septiyembre. (NLB/Photos by Nica Borja, Jhon Carl Balanza, Alixes Gemao and Reynan Baylin/CIO)