KAPIN 600 ka kawani sa LGU-CDO misalmot sa KAWANIght Rave Run nga gipangulohan sa Human Resource Management Department, Septiyembre 1, diha sa Rio de Oro Boulevard, ning siyudad.

 

Ang 3 kilometer fun run 3 kilometers nabahin sa female ug male category diin midaog isip kampeon sa female category si Jessa Mae Deiparine sa City Finance Department samtang sa male category si Raymond Abadilla sa City Social Welfare and Development Department (CSWD) ug nakadawat ang matag usab kanila og plaque of recognition, exclusive shirt ug cash prize nga balor og P5,000.

 

Nakuha usab ni Marynel Lumactod sa City Sports ang 2nd place female category ug Monleon Ricarte sa CSWD sa male category diin nakadawat usab sila og plaque of recognition, exclusive shirt ug cash prize nga balor og P3,000; 3rd placer sa female category si Daisy Mae Armamento sa Roads and Traffic Administration ug Christian Abales sa City Disaster Risk Reduction and Management Department sa male category ug adunay plaque of recognition, exclusive shirt ug cash prize nga balor og P3,000.

 

Most Luminous Office usab ang City Civil Registry samtang ‘Office with the Most Number of Delegates’ ang City Assessors Deparment diin midawat ang matag buhatan og plaque of recognition ug cash prize nga P5,000.

 

Gawas sa fun run, gipahigayun usab ang zumba ug rave uban ang sikat nga DJ, si DJ Aka.

 

Nasayrang ang proceeds sa maong fun run ihatag sa Kasanag Daughters Foundation ubos sa Sacred Heart of Jesus congregation ug Oro Dalangpanan, usa sa mga centers and institutions sa City Social Welfare and Development Department.

 

Ang maong fun run inisyatiba sa Human Resource Management Department ubos ni HRMD Department Manager Xsyclyn Faith ‘Kansai’ Lumbatan alayon sa kasaulogan sa ika-124 Philippine Civil Service Anniversary uban sa temang, “Transforming Public Service in the Next Decade: Honing Agile and Future-Ready Servant-Heroes.”

 

Kini gitambongan usab ni Chief of Staff Sheila Lumbatan kinsa mireperesentar ni Mayor Klarex Uy. (NLB/CIO/photos by Reynan Baylin and Kevin Chua/CIO).