MALAMPUSONG gilusad sa siyudad ang Tri-City Zone batok Online Sexuak Abuse or Exploitation on Children (OSAEC) adlaw’ng Martes, Septiyembre 3.

 

Ang Cagayan de Oro maoy ika-14 Tri-City diin lakip ang syudad sa Iligan ug Ozamis ang kabahin sa maong kalihukan.

 

Mitambong isip representate ni Mayor Klarex Uy si Vice Mayor Bebot Rodriguez nga maoy miabi-abi sa mga dinapit nga mamumulong si Supreme Court (SC) Chief Justice Alexander Gesmundo, Department of Justice (DOJ) Secretary Jesus Crispin Remulla, Department of Interior and Local Government (DILG) Secretary Benjamin C. Abalos Jr., CDO Justice Zone Convenor Executive Judge Arthur Abundiente ug European Union to the Philippines Chargé d’ Affaires Ana Isabel Sánchez Ruiz nga maoy nangulo sa ribbon cutting ceremony ug paglagda sa wall of commitment batok OSAEC.

 

Lakip usab sa mga misalmot sa kalihokan si Chief of Staff Sheila Lumbatan, City Administrator Atty. Roy Hilario Raagas, ang 20th city council nga girepresentar ni City Councilors: Majority Floor Leader Atty. Edgar Cabanlas, Girlie Balaba, Dra. Malou Gaane, George Goking, Romeo Calizo, Roger Abaday; City Indigenous Mandatory Representative Roberto ‘Datu Makilala’ Cabaring Sangguniang Kabataan Federation President Kenneth John Sacala, nagkadaiyang department managers sa LGU-CDO, mga representante sa buhatan sa DOJ, DILG, Supreme Court, kapolisan ug nagkadaiyang partner agencies.

 

Ang ‘justice zone’ usa ka geographic area diin ang local justice sector nga gilangkoban sa mga representante sa Justice Sector Coordinating Council (JSSC) ug diin nahisakop ang tulo ka ahensya: ang Supreme Court, DOJ ug DILG uban sa partner agencies niini sama sa kapolisan ug LGU magtinabangay alang sa pagtumbok sa mga problema ug mga solusyon aron mokunhod ang krimen sa maong ‘area.’ Kini ang nag-unang programa sa JSSC sa local level.

 

Nasayrang ang siyudad sa Cagayan de Oro, uban sa Iligan city ug Ozamiz city, usa sa mga pinakadaghan nga kaso sa OSAEC sa rehiyon sukad 2003 ug sa kasamtangan ang pinakadaghan usab nga Anti-OSAEC operations sukad sa tuig 2020 hangtud tuig 2023, usa sa mga hinungdan nga ang siyudad napili isip justice zone.

 

Tumong sa paglusad sa ‘Tri-City Justice Zone’ ang paghatag og ‘real time justice’ ngadto sa mga nahimong biktima sa mga krimen ilabina ngadto sa OSAEC uban sa pagsiguro sa koordinasyon sa lima ka haligi sa criminal justice system sa nasud: (1) law enforcement, (2) prosecution, (3) courts, (4) corrections, ug (5) community. (NLB/CIO/photos by Roel Felicitas/CIO and photos courtesy of CMO)