DAKO ang pasalamat ni Engr Armen Cuenca, department manager sa City Local and Environment Office (Clenro), sa mga misalmot sa ‘Mag Tak Pul Ta Uy’ o (Takbo na may dalang Pulot) o Plogging tungod sa dakong tabang niini nga nakunhoran og 300 kilos nga plastic wastes o basura ang kasapaan ug canal ning syudad.

 

Kini ang gibutyag ni Engr Cuenca atol sa gipahigayong Management Committee meeting bag-ohay lang.

 

Gipasabot ni Engr Cuenca, 300 kilos nga mga plastic wastes ang narehistro sa mga misalmot sa Mag Tak Pul Ta Uy nga kung wala kini mahipos ug madala sa maong kalihukan lagmit nga didto kini makita sa mga sapa ug canal nga posibleng makabara sa tubig.

 

Samtang mokabat usab sa 250 kilos nga residual wastes sama sa upos sa sigarilyo, panit sa candy ug mga dili na mapuslan nga basura ang napunitan sa kadalanan samtang gipahigayon ang Plogging niadtong Agosto 30 ning tuig.

 

Tungod niini, gidasig sa Clenro ang katawhan nga makanunayon ang pagtamod sa saktong paglabay sa basura aron matabangan ang kinaiyahan ingon man makunhoran ang gidaghanon sab asura sa kadalanan. (ACM/CIO Photos ROD Constantino)